卷四(1/14)
改妆问信
见语凌烟忙便答：“锦字何难寄五羊？姐若有书奴肯去，岂须鸿雁为传将。”丽姐听言称：“假事，莫来懵讲恼人肠。广东此去迢迢路，你点传书与白郎？”凌烟笑谓双娇姐：“此情我岂不思量？在娇心所忧疑到，不过谓奴系个女人行。我想白生嗰日传珠事，曾把身来扮女妆。今若为娇归探佢，做乜我就唔能改扮做儿郎？哩下娇若修书教我去，只须换了女衣裳，变做管家阿叔仔，为娇回粤探端详。道途若有人盘问，我就话系裴府公差转故乡，关津谁敢轻拦阻？任我优游道路长。”
二娇听罢多欢喜，就整男衣来换佢红妆，着起行前齐看过，都话：“睇来真系似儿郎。”丽娇忙把书修便，又共凌烟细讲量：“妹呀，此去途中须谨慎，第一眼角机关要在行，言谈妹你须珍重，逢人第一莫猖狂。自己身家须体理，第一怕人窥破你行藏。重有茶饭衣衫须着意，妹罢出途唔比在兰房。”心忙意乱何娇姐，叮咛又见佢声扬：“此去见他如有事，妹你同人就到我家堂。等我共起丽娇心好落，莫来朝夕挂心肠。若系果然遭着贼，果然已死在鄱阳，妹你须把纸钱买几叶，将来烧畀我才郎。嗰封书亦都烧了，亦就如同系祭章。望空把佢魂儿祭，叫佢魂随你到我香房，叫佢就时寻我去，免得佢孤魂独自叹凄凉。”
开匣便揩银一百，将来称出做行囊。二娇嘱咐都停当，捱来寒夜已天光。
旅邸逢生
凌烟时即抽身起，匆匆忙便整行装，轻将雨伞挑包袱，便别双娇赶路忙。宿水餐风朝复暮，雪山历遍路途长。一朝行至扬州地，只见柳媚花明春又芳，日暮歇身投客舍，孤单真亦觉凄惶。灯下坐来闲听语，忽闻隔壁客商量，佢话：“我自广东来此处，水路经余已好长，明早又往京邸去，你话迢迢何日歇游缰？”
凌烟一听如斯语，便向灯前细一■〈目庄〉。唔想就中见个人如玉，正系生同雪桂细商量。唬得凌烟心一跳，遂轻移步到生旁，默然死把人来睇，白生时又说声忙：“此位睇来真面熟，与我莫非系同乡？”凌烟见说微微笑，就话：“相公何故便相忘？新转仆卿裴察院，佢原系我主人行。今因爷欲寻佳婿，故此叫我传书回候秀才郎。”怀里便将书取出，交生接阅喜如狂。
二荷奉书
白秀
本章还未完，请点击下一页继续阅读>>>
