卷二(1/14)

    聆音问答

    丽娘就把凌烟问：“隔墙嗰位操琴人，唔知佢地因何故，弹来字字咁伤心？一声一泪真凄惨，分明怨恨曲中论。你地知佢谁人否？做乜在我书房来操这般琴？”凌烟未及将言答，绮琴横口应声频：“我猜哩个弹琴客，定系惫懒依优嗰个人。姐你估佢系个谁人罢？就系找珠嗰个探芳身。我想嗰日映娘真系精，做乜就知探芳系男人？谁想果然假货非真货，系一禽罗屎佛假斯文。”

    听语丽娘兼映姐，着惊齐就问声频：“做乜如今这个弹琴客，就系假扮那个找珠人？”凌烟遂亦忙声禀：“如今姐尚未知因，佢系秀才身姓白，名为青友即其人。我地老爷活佢多才学，请陪公子习书文。到我府中将半月，或者如今就系佢弹琴。记得前日绮琴共我园中去，谁知撞着这遭瘟。只话唔敢揩来对姐讲，请娘恕罪我方陈。前日奴承姐姐命，采花回姐衬香云，点想正正花间逢着佢，见奴无限喜欢欣。佢就当头截住奴归路，就畀嗰呕闲言闲语对奴陈。话曰花深嗰日清明节，得遇我地贤娇两玉人。初时未识娇名字，佢就北巷东街到处寻。唔想柳暗莺藏人不见，唔能得到姐花阴。致此难情雁鱼传只字，空系独当风月忆双文。几度访寻踪与迹，方才知道此跟寻。因而扮作珍珠女，得入红闺见姐身。佢话主意将情来告诉，向娇亲达佢殷勤。谁知烂递娇唔食，就时识破佢真身，揩佢珍珠来骗了，又将佢赶出园林。此时只话相思断，唔想老爷又请佢来临，因之得遇奴奴到，故此央奴归把佢情陈。姐罢奴想此生真好笑，做乜白白忙忙咁发瘟？”语罢绮琴还又道：“重有一句言来又尽新，我想男子几多冤屈事，就话佢已将珠定了姐佳人。叫我传言多上福，佢话望娘千万要留心。寸丝为定从来道，重话姐你唔好将花又畀别家人。我因见佢言无理，激起心头火就焚，我就轻揽鲛绡云度影，斜飞春笋玉留痕，一掌就从尊面上，煎鱼咁热手纱痕。走脱就时回步转，只话当初唔敢对娇陈，姐呀！奴亦会听唔会学，重有好多说话记唔能，独我打来真觉爽，哩下唔知痛过定唔曾。”

    映娘一听她言语，开声便教绮琴云：“你讲此生言共语，句句分明实可憎。在佢虽云真可恼，但该怜念佢斯文，只好走开唔睬佢，做乜好轻凌辱读书人？做乜好轻举手将人打？你们真亦欠思寻。以后各人须谨记，但逢须要
本章还未完，请点击下一页继续阅读>>>