卷一(18/18)

。你今若到裴公处，与他儿子把经谈。只要大家砥砺将书读，你就半步都唔许乱行，若有风声传到我，这次归来莫想生。”

    青友一闻如此说，好似一道天赦来宣佢出监。喜色匆匆忙应诺，就时打迭起程行。琴画束起来裴宅，胜入蓬壶不肯还。

    花下闻琴

    停言且莫将生说，更诵红闺两玉颜。丽姐一朝梳洗罢，开箱觅取凤头簪。忽见探芳这个珍珠篙，笑拈来对映娇谈：“就话算起此人果得趣，未知真女与真男。硬着大家笼络佢，想佢真亦有修行。”映姐笑道：“唔亏佢，谁使佢支离言语咁横蛮！”

    两个讲来犹未了，只见凌烟移步入房行，执起几枝花在手，轻轻递过与娇颜。说声：“婢正香园去，忽闻琴韵出花间，细听原在书房里，操来流水与高山。姐罢指法轻清真系好，唔识系乜谁人咁爱弹？”两娇原有琴中癖，闻言齐起问丫鬟：“哩下佢地馆中还操否？等我到园偷去听他弹。”凌烟答应今还操，二娇遂即出朱栏，入园共立墙花下，来把哀弦听一番。侧耳听闻声与调，只觉字字愁花带泪弹：

    闻一曲，是《仙翁》，恼煞墙头姊妹红。香少似人偏薄幸，露多如我正情浓，临风朵朵轻浮动，真好弄，害得相思梦，竟使夜夜飞来到锦丛。

    闻二曲，《凤求凰》，满怀如恨碧桃芳，几枝艳复文君酒，半里红欹宋玉墙，尽日无人空怅望，飘复荡，点得相挨傍，等我尽把愁心讲过娘。

    闻三曲，韵偏幽，懊恨无端怨石榴，子在锦窝浑未结，香浮赤萼竟难偷，赚人为你空眉皱，春已透，亦系开时候，唔试一世含羞在树头。

    闻四曲，《浣春纱》，无情翻恨素馨花，看去比珠难作串，摘来如雪莫烹茶，识面自从春到夏，罢了罢，硬系相思怕，唔识佢围何日衬堆鸦。

    闻五曲，《怨湘妃》，牵情更又怨荼■〈艹縻〉，红玉吹将成酒面，紫茸团就作香肌，果然娇艳人难似。真妩媚，误我终身事，空系时时为佢哭相思。

    声欲歇，操来频，此时撩得两佳人，虽话侠气自能通剑术，春情唔系动琴心，奈因声调多凄惨，听来未免亦伤神。