卷一(13/18)

问声频：“欲言又止因何故？做乜唔说我知闻？有话请娇明白讲，何妨一直对奴陈？”探芳微笑随称说：“我欲送娇一个有情人，独系怕娇唔肯居人下，故此欲语还停未敢陈。”紫娘答语称：“何论，只愁唔系有情人。我想绿珠当日居金谷，坠楼还把死酬恩。若然果系情深个，我就从他为婢亦甘心。请姑实把其人说，唔在狐疑避讳深。”探芳听佢言和语，开声因就对她陈：“有个书生身姓白，计岁方才十七春，名莲表字为青友，果系惜玉怜香一妙人。娇若把身来托佢，我想风流一定遂娇心。”紫玉听言忙接语：“你所称言这白君，估系案首去年方入学，别号怜香那个人。佢们我已知名了，清新好似鲍参军。时常见佢诗兼画，笔墨真无半点尘。东粤围棋称第一，重话精于音律与弹琴。独系唔曾得见他眉宇，我想生来定亦不犹人。如今姑你因何事，得知佢系有情人？”探芳急就回言道：“佢原系我族兄身，我们因此知他事，见佢锺情果似海般深，佢今为两如花女，欲要求为结发亲。事因个日清明节，偶往花溪去踏春，得遇丽荷裴小姐，共起何家小姐映荷身。就时撩起怜香恨，为她日夜苦劳神。一心只想成佳偶，无人传达到娇闻。因而扮作珍珠女，亲到红闺访美人。只话安排对面传心事，唔想就被映娘识破佢来因，把佢珍珠来骗了，又将人撵出花阴。畀个烂园将佢(扌替换韦旁，韫)，几乎气死冇人闻。回家即害相思病，今尚迷迷未醒魂。我想此生实系多情种，睇来真可托终身。大娘若无嫌他处，我就为娇情愿作冰人。”紫玉听闻言丽姐，共起映姐二娇身。就话：“此娇系我之徒弟，去年曾请我教琴，生来果然多娇媚，我见犹怜是美人。我思白生既为她牵恨，只怕向人唔肯再弹琴。你正所言知假事，画饼充饥恐未能。正系夜半想油来添火，暗中徒费一条心。”

    探芳听得微微笑：“紫娘真系有心人。古道多情人为多情死，我想生如见你亦销魂。等我明日就同娇执斧，定要作成你地好缘姻。哩下姑将铁笛来吹月，只要娇就明明放实音。”语毕紫娘方欲答，唔想红香撒醒问声频：“嗳呀！你们重坐还唔睡，有何好事咁谈论？你听鼓角频催促，敲来已是四更深。抖擞各须安就枕，唔时明日无精神。”紫娘遂应红香道：“我地系将诗事懵谈论，坐来只管贪呆讲，所以唔经唔觉到如今。”

    语
本章还未完，请点击下一页继续阅读>>>